E ardhmja e Antonio Conte bëhet gjithmonë e më shumë e veshur me aludime. Hipotezat e fundit e shtyjnë italianin drejt Madridit, por nga ana e tij vjen një frenim i fuqishëm. “Nuk ka patur kontakte, as me Real Madrid dhe as me Milan”. Është Daniele Conte, vëllai dhe menaxheri i trajnerit Antonio Conte, ai që shuan të gjithë zërat për një lëvizje të mundshme të ish-teknikut të Juventus, Italisë dhe Chelseas.

Loading...

“Antonio gjatë këtyre ditëve është me pushime në Egjipt dhe unë nuk kam marrë telefonata të rëndësishme. Dua të theksoj në këtë kuadër, se aktualisht nuk jam përfaqësuesi i tij i vetëm. Në të njëjtën kohë saktësoj se vëllai im nuk ka më ngërçe me Chelsean, pas shkarkimit në korrik. Tani presim finalizimin e çështjes, avokatët janë në aksion”, deklaroi vëllai dhe menaxheri i trajnerit Antonio Conte, duke përgënjeshtruar aludimet që e shohin italianin të zëvendësojë Lopetegui te Real Madrid.


 
Loading...