ARTIKUJT E FUNDIT

Kush është bukuroshja shqiptare që u shpall Miss New York USA 2019 (Foto)

Një bukuroshe shqiptare është shpallur Miss New York USA 2019. Ishte Florinda Kajtazi ajo që mbrëmë rrëmbeu kurorën e bukurisë së New York-ut.

27-vjeçarja është më origjinë nga Kosova dhe jeton prej vitesh në Yonkers.

Bukuroshja me origjinë shqiptare do të përfaqësojë New York-un në edicionin e 68-të të Miss USA, kompeticioni më i rëndësishëm i bukurisë në Shtetet e Bashkuara ta Amerikës.

Loading...

Studentët e fakultetit të Drejtësisë vijojnë me bojkotin

Studentët e fakultetit Juridik janë mbledhur nëpër klasa duke thërritur në korr: “Juridiku bojkoton”.

Ata kanë vazhduar bojkotin, ngjashëm me disa fakultete të tjera në vend.

Në fakultetin Histori-Filologji, pedagogë dhe studentë kanë nisur grevën e paralajmëruar që prej ditës së premte.

Në oborrin e fakultetit ata kanë kërkuar që të plotësohen kërkesat e parashtruara në letrën publike të asamblesë së pedagogëve të këtij fakulteti. Njësoj si tek shkencat sociale.

Në to shprehej shqetësimi në lidhje me VKM-të e miratuara në qeveria në fund të vitit të kaluar dhe kërkohej që ato të rishikohen, pasi sipas tyre shkelet autonomia universitare.

Loading...

Thaçi tregon se a do t’i përgjigjej ftesës së Speciales

Thaçi ka thënë se nëse merrë ftesë nga kjo gjykatë do t’i përgjigjej pozitivisht me përgjegjësinë më të lartë.

“Unë dëshiroj t`i falënderoj të gjithë komandantët që u janë përgjigjur ftesave për intervistim në çdo moment që vjen në adresën time me përgjegjësinë më të lartë do t`i përgjigjem, dhe ftoj që të gjithë t’i përgjigjen”,  ka thënë ai.

Theksojmë se Thaçi sot tha se synim i Delegacionit Shtetëror të Kosovës mbetet arritja e marrëveshjes përfundimtare me Serbinë.

Loading...

Senatorja demokrate do të konkurrojë për presidente të SHBA-së

Harris, e cila është zgjedhur senatore më 2016, ka shërbyer më herët si prokurore e përgjithshme e shtetit.

“E ardhmja e vendit tonë varet nga ju dhe miliona të tjerë që ngrenë zërat për të luftuar për vlerat tona amerikane. Prandaj, po konkurroj për presidente të Shteteve të Bashkuara”, tha senatorja 54-vjeçare në një video të postuar në Twitter.

Një kritike e zëshme e presidentit aktual të SHBA-së, Donald Trump, ajo është demokratja e pestë që i bashkohet betejës për emërimin nga partia për zgjedhjet e vitit 2020.

Elizabeth Warren, Kirsten Gillibrand, Tulsi Gabbard dhe John Delaney kanë njoftuar gjithashtu se synojnë të konkurrojnë.

Loading...

Meta takon Gjukanoviçin, kërkon integrim më të plotë të shqiptarëve në Mal të Zi

Presidenti i Shqipërisë Ilir Meta ka nisur vizitën e tij disa-ditore në Mal të Zi, duke realizuar takime me homologun e tij malazez Milo Gjukanoviç. Në fjalën e tij në konferencën për mediat, Meta tha se forcimi edhe më shumë i marrëdhënieve dypalëshe, integrimi edhe më i plotë i shqiptarëve të Malit të Zi, si dhe kursi europian dhe euro-atlantik i rajonit, është në interesin më të mirë të përbashkët të dy vendeve.

Kreu i shtetit shqiptar kërkoi nga Podgorica zyrtare që të integrojë më shumë shqiptarët që jetojnë në Mal të Zi. Gjatë kësaj vizite, veç takimeve me krerët e lartë të Malit të Zi, Presidentit Meta do të takohet dhe me përfaqësuesit e partive shqiptare në Mal të Zi si dhe do të vizitojë qytetet e Tuzit, Tivarit dhe Ulqinit. Kjo është vizita e tij e dytë në Malin e Zi gjatë gjashtë muajve të fundit.

Loading...

Deçani ndërpret grevën, kryetari i Sindikatës në këtë komunë jep dorëheqje

Kryetari i Komunës së Deçanit, Bashkim Ramosaj përmes një shkrimi në llogarinë e tij Facebook ka njoftuar rreth takimit që ka pasur me përfaqësuesit e SBASHKU-ut në këtë komunë, ndërsa janë dakorduar që greva e mësimdhënësve të ndërpritet.

Ramosaj po ashtu ka bërë të ditur se në mospajtim me situatën që është krijuar në arsim, kryetari i Sindikatës në Deçan, prof. Avdullah Lataj ka dhënë dorëheqje.

Ky është postimi i plotë i Ramosajt:

Në takimin e mbajtur me përfaqësuesit e SBASHK-ut, u dakorduam që greva të ndërpritet.
Përfaqësuesit e SBASHK-ut në Deçan bëjnë thirrje që nga nesër të filloj procesi mësimor.
Nga mospajtimi me situatën dhe gjëndjen e krijuar në arsim, kryetari i Sindikatës në Deçan prof. Avdullah Lataj, japë dorëheqje të parevokueshme nga udhëheqësi i këtij institucioni.
Falenderoj përfaqësuesit e SBASHK-ut në Deçan për vendimin e marrur e në veqanti prof.Avdullah Lataj .

Loading...

Thënie nga mendimtarë të njohur mbi shtetin, pushtetin dhe demokracinë

“Demokracia plus injoranca e popullit, është rruga më e shkurtër drejt despotizmit nëpërmjet demagogjisë.” – Marquis de Condorcet

“Demokracitë kërkojn media të fuqishme, që qeverit të jenë të ndershme.” – Julian Assange

“Mënyra se si përdorim fjalën “Demokraci” dhe “qeveri demokratike” krijon pështjellim shumë të madh. Gjersa këto fjalë të mos jenë përcaktuar shumë qartë dhe ky saktësim të pranohet nga të gjithë, njerëzit do të vazhdojnë të rrojnë me një lëmsh të ngatërruar mendimesh, gjë që u jep shumë dorë abuzimi me demokracinë si term dhe si praktikë zbatuese demagogëve dhe despotëve.” – Tokëvili

“Unë e quaj shtet ku të gjithë dehen me helmin, e të mirave dhe të këqijave: shtet, ku askush nuk di për veten e vet, as të mirët e as të këqijtë: shtet, ku vetëvrasja e ngadalshme e të gjithëve quhet –“jetë”. – Friedrich Nietzsche

“Shteti është shoqatë individësh për ruajtjen e pasurisë së tyre nga ata të cilëve më së shumti iu duhet”. – Lev Tolstoy

““Nëse do ta konsideroni, deri sa të jetoni me njerëz, se ma mirë është të mos qeverisni, e as të jeni nën qeverisjen e dikujtë, mendoj se së shpejti do ta shihni se i forti di sesi të dobëtit t’i shndërrojë në robër.” – Sokrati

“S’ka asgjë më të keqe se sa anarkia; sepse njeriu sipas natyrës nuk është i atillë që të mbahet vetë e që dikush me të mos të udhëheqë. Ata që udhëheqin duhet të jenë jo vetëm profesionalisht të arsimuar por edhe me njeriun duhet të jem mik, e ata me të cilët udhëheqet duhet të jenë jo vetëm të dëgjueshëm por edhe besnik ndaj udhëheqësve”. – Aristokseni

“Të gjitha dashuritë, me kalimin e kohës veniten; vetëm dashuria për pushtet, me kalimin e kohës, sa vjen e shtohet.” – J. Mariq

“Demokracia e vërtetë kurrë s’ka ekzistuar dhe kurrë s’do të ekzistojë” – Zhan Zhak Ruso

“Pushteti absolut nuk ka nevojë për rrënjë.” – Napoleoni

Loading...

Barcelona vjen me “bombën” e radhës


Kevin Prince Boateng duket se do të jetë futbollisti i ri i Barcelonës.

Sulmuesi ganez që aktivizohet me Sassuolon pritet të huazohet te Barcelona me të drejtë blerje në fund të stinorit.

Ka qenë eksperti i tregut të transferimeve Gianluca Di Marzio që ka dhënë lajmin e bujshëm për transferimin e Boatengut te Barça.

31-vjeçari këtë edicion ka shkëlqyer me fanellën e Sassuolos në Serie A, duke shënuar katër gola dhe duke bërë dy asistime.

Ganezi pritet ta zëvendësojë të larguarin Munir El Haddadi i cili iu bashkua Sevillës.

Barcelona do ta marrë 31-vjeçarin si huazim gjashtë mujorë me të drejtë të blerjes në fund të stinorit për tetë milionë euro.

Për Boatengun ky pritet të jetë një rikthim në kampionatin spanjoll ku ka luajtur për një edicion me Las Palmas duke shënuar 10 gola e duke asistuar në pesë të tillë.

Zyrtarizimi i kësaj marrëveshje pritet të bëhet brenda ditës së sotme (e hënë).

Barcelona dhe Sassuolo kanë krijuar një marrëdhënie shumë të mirë pasi verën e kaluar nga klubi spanjoll ekipit italian iu bashkua mbrojtësi Marlon.

Loading...

Shtatë gjëra të cilat i trashëgojmë nga babai

Ka rezultuar që gjenetika nuk ndikon vetëm në ngjyrën e syve dhe në ndërtimin e trupit, por nga ajo varet edhe sa jemi të gatshëm të rrezikojmë dhe në cilën pozë zakonisht flemë

Natyrisht se i keni trashëguar gjenet e të dy prindërve, mirëpo nëse babai juaj ka cilësi dominuese, ato me siguri janë bërë edhe tuajat.

Karakteristikat gjenetike të cilat i trashëgojnë fëmijët nga babai

  1. Sëmundjet e zemrës – sipas hulumtimeve të cilat i kanë bërë shkencëtarët e Universitetit Lester, meshkujt bartës të tipit të caktuar të kromozomit kanë pothuajse 50% probabilitet më të madh se do të vuajnë nga sëmundjet të cilat sulmojnë arteriet koronare. Nën rrethana të caktuara, këto cilësi barten te djemtë.
  2. Pengesat mendore – midis çrregullimeve mendore të cilat barten nga mashkulli te fëmija janë skizofrenia dhe ADHD-ja. Duke u plakur babai, rreziku rritet sepse ADN-ja e mashkullit ndryshon me kalimin e viteve. Kur është fjala te femrat, ADN-ja e tyre nuk ndryshon.
  3. Dhëmbë të shtrembër – gjenet e baballarëve janë kryesorët për dhëmbët dhe formën e nofullës dhe më shumë ndikojnë në cilësi dhe formë të dhëmbëve se sa nga nënat. Nga babai fëmija mund të trashëgojë vetëm dhëmbë të shtrembër, por edhe dhëmbë të dobët me prirje për gjakrrjedhje.
  4. Probleme me sterilitetin – shkencëtarët konstatojnë që cilësia e ulët e spermës mundtë jetë problem gjenetik. Nëse fëmija është i lindur pas ngjizjes artificiale, atëherë probabiliteti më i madh është që edhe vetë do të vuajë nga steriliteti.
  5. Gjinia e fëmijës – gjenet mashkullore përcaktojnë gjininë e fëmijës së palindur. Parashikimet mund të bëhen me kontrollimin e trungut familjar të babait.
  6. Ngjyra e syve të fëmijës – linjat e fytyrës dhe ngjyra e syve me siguri do të jenë të njëjta si edhe të babait.
  7. Rritja (gjatësia) e fëmijës në masë të madhe varet nga gjenet e babait. Baballarët shtatgjatë kanë fëmijë shtatgjatë.

Pak mbi inteligjencën

  1. Intelekti bartet nga babai tek djali. Domethënë, nëse babai është gjeni, atëherë i biri i tij njëqind për qind do t’i trashëgojë këto gjene.
  2. Nëse babai të është idiot, nuk është e thënë të jesh edhe ti. Kjo nuk trashëgohet dhe natyra sërish në mënyrë të përsosur i ka rregulluar gjërat.
  3. Intelektin nga babai mund ta trashëgojë vajza madje vetëm gjysmën.
  4. Mashkulli mund të trashëgojë intelektin vetëm nga nënat e tyre, të cilat ajo, megjithatë, i ka trashëguar nga babai i vet.
  5. Vajza gjeni do të bëhet saktësisht 50% e mençur si babai i saj, mirëpo i biri i tij do të jetë gjenial.

Konkluzioni për meshkujt

Për të prognozuar sa i mençur do t’ju jetë i biri, shikoni babanë dhe nënën e tij. E bija juaj do të trashëgojë gjysmën e mençurisë suaj, mirëpo edhe gjysmën e budallallëkut tuaj. I biri i saj do të trashëgojë intelektin tuaj në tërësi.

Konkluzion për femrat

Mendja e birit tuaj është kopje e babait tuaj. E bija juaj do të ketë edukatën tuaj, mirëpo do të ketë mendje të babait të vet. Bijtë e saj do të jenë kopje mendore e bashkëshortit tënd.

Loading...

SBASHK-u mbledh Këshillin: Greva nuk ndalet deri në plotësimin e kërkesave

SBASHK-u mbledh Këshillin: Greva nuk ndalet deri në plotësimin e kërkesave
Kur ka hyrë në javën e dytë greva në arsim, udhëheqësit e Sindikatës së Bashkuar për Arsim, Shkencë dhe Kulturë, janë zotuar se nuk do ta vazhdojnë mësimin deri në plotësimin e kërkesave të tyre.

Në mbledhjen e Këshillit Grevist të kësaj sindikate, u tha se pa u plotësuar kërkesat e parashtruara ndaj qeverisë, greva nuk do të ndalet.

Kryetari i SBASHK-ut, Rrahman Jashari ka thënë në këtë mbledhje se oferta e kryeministrit Ramush Haradinaj, ka qenë shumë e vogël.

Jashari u shpreh se me Projektligjin aktual të pagave, janë të nënçmuar.

“Administrata në shkolla, drejtorët e shkollave, administrata e universiteteve, të gjithë duhet të kenë ngritje të koeficientëve për 30%. SBASHK-u e ka thënë se nuk po kërkojmë rritje të pagave, po ngritje koeficientësh. Me projektligjin aktual jemi të nënçmuar”, deklaroi Jashari.

Kryetari i SBASHK-ut tregoi tri mundësitë që sipas tij, do të ndikonin në vazhdimin e procesit mësimor.

“E para mundësi është që të bëhet ngritja që e kemi kërkuar. E dyta është nëse nuk ka buxhet, të ulet koeficienti, le të ulen koeficientët e presidentit e deri te punëtori teknik. Dhe e treta, duke e parë çfarë ligji është bërë, të tërhiqet dhe pastaj në kohët në vijim institucionet bashkë me sindikatat, dhe ligji të bëhet për të gjithë nënë ose për të gjithë njerkë”, ka thënë Jashari.

Kurse menaxheri i financave në SBASHK, Ymer Ymeri ka vlerësuar se me ofertën e Qeverisë, koeficientët rriten vetëm 0.2%.

Sipas tij, shuma totale e rritjeve del 12 milionë euro në vit, e jo 20 sa ka thënë kryeministri.

“Shuma totale del 12 milionë, por jo 20 milionë sa e përmendi kryeministri. Nëse prap përfshihen të gjithë, pra universitetet dhe punëtorët teknikë, me këtë ngritje nevojiten 17 milionë. Shuma 20 milionë është thënë vetëm sa për opinionin, dhe për të tentuar të fillojë mësimi sot”, ka thënë Ymeri.

Ndyrshe disa komuna, kanë bërë thirrje te mësimdhënësit që ta ndalin grevën dhe të nis mësimi.

Loading...