ARTIKUJT E FUNDIT

Drejtori i Burgjeve: Në Dubravë ka kontrabandë

Drejtori i Përgjithshëm i Shërbimit Korrektues të Kosovës, Nehat Thaçi tha sot se në burgun e Dubravës ka kontrabandë dhe nepotizëm.
Thaçi, duke raportuar në Komisionin për Legjislacion lidhur me gjendjen e institucioneve korrektuese në Kosovë, ka treguar hapat që kanë ndërmarrë për përmirësimin e gjendjes në këtë burg, gjegjësisht për të luftuar nepotizmin dhe kontrabandën në këtë institucion.Sa i përket higjienës dhe kushteve, Thaçi ka thënë se burgu i Gjilanit, ai i Prishtinës dhe ai i Sigurisë së Lartë kanë kushte shumë të mira. Ndërsa, ka thënë se burgjet e vjetra nuk munden të ofrojnë të njëjtën pastërti sikurse burgjet e reja.Hap tjetër ai tha se do të ndërmarrin duke zvogëluar numrin e të paraburgosurve dhe të burgosurve në burgun e Dubravës deri në masën 500, gjë që sipas tij mundëson që të menaxhohen këto situata.Thaçi, ka folur edhe për burgun e Pejës, duke potencuar se nuk ka asnjë shkresë zyrtare se ai burg do të mbyllet. Megjithatë, ai potencon se kushtet në këtë burg nuk janë të mira.
Loading...

Bllokohet urdhri i Trumpit për azilin

Një gjykatës federal në Shtetet e Bashkuara e bllokoi urdhrin e lëshuar nga presidenti Donald Trump për t’iu mohuar azilin migrantëve që kalojnë kufirin jugor të SHBA-së në mënyrë të paligjshme.

Gjykatësi Jon Tigar në San Francisko lëshoi urdhrin e përkohshëm të ndalimit pas dëgjimit të argumenteve nga grupet e të drejtave civile.Trump e nënshkroi urdhrin e tij më 9 nëntor, në përgjigje të një karvani migrues që po lëviz drejt kufirit.
Vala e parë e migrantëve arrin në Meksikë
Trump përmendi shqetësimet për sigurinë kombëtare, por u kundërshtua nga grupet e të drejtave civile, të cilat e dërguan rastin në gjykatën në San Francisko, duke thënë se vendimi i tij ishte i paligjshëm.Gjykatësi Tigar, në vendimin e tij, tha se legjislacioni aktual e bën të qartë se çdo i huaj që hyn në SHBA, “pavarësisht nëse është apo jo në një port të caktuar të mbërritjes”, mund të aplikojë për azil.Gjykatësi po ashtu tha se presidenti nuk mund t’i rishkruajë ligjet e imigrimit, duke imponuar një kusht, që Kongresi e ka ndaluar shprehimisht.Mijëra migrantë nga Amerika Qendrore kanë udhëtuar për javë të tëra drejt kufirit Meksikë-SHBA.Ata thonë se ikin nga përndjekja, varfëria dhe dhuna në vendet e tyre: Honduras, Guatemalë dhe El Salvador.Trump ka thënë më herët se shumë prej migrantëve janë kriminelë; karvanin e ka cilësuar si pushtim, ndërsa ka dërguar trupa në kufi.Me urdhrin e 9 nëntorit, ai ka kërkuar që secili që dëshiron të kërkojë azil në SHBA, duhet të hyjë nëpër pikat zyrtare të hyrjes. Me urdhrin e tij, rastet e atyre që hyjnë ilegalisht, nuk do të dëgjoheshin.Ndalimi do të zgjaste 90 ditë ose derisa SHBA-ja të arrinte një marrëveshje me Meksikën për t’i kthyer azilkërkuesit.Një migrant, pjesë e karvanit prej mijëra personash që janë nisur nga Amerika Qendrore drejt SHBA-së, luan në një kamp në Juchitan të Meksikës.Sipas ligjit të Shteteve të Bashkuara, ekziston një detyrim ligjor për të dëgjuar kërkesat për azil nga emigrantët nëse ata thonë se kanë frikë nga dhuna në vendet e tyre – pavarësisht se si kanë hyrë në SHBA.Pjesëmarrësit e karvanit kanë filluar të arrijnë javën e kaluar në Tijuana, qytetin në anën meksikane të kufirit. Trumpka dërguar më shumë se 5,000 ushtarë në kufi.
Loading...

1.2 milion euro në bisht të sorrës – Qeveria i shpenzoi kot 1.2 milion euro për INTERPOL

Dështimi i sotëm i Kosovës për t’u anëtarësuar në organizatën ndërkombëtare të Policisë, INTERPOL, krahas dështimit diplomatik ka edhe koston e vet financiare.Qeveria e Kosovës qe një kohë të gjatë një ndër temat kryesore me të cilat është marrë ka qenë anëtarësimi në këtë organizatë.Madje kishin marrë vendim që të shpenzojnë 1.2 milion euro për lobim në shtete të ndryshme të botës që të anëtarësohet në INTERPOL.Në tetor të këtij vitit, kabineti qeveritar kishte vendosur të ndajë 1.2 milion euro për këtë qëllim.Dështimi i sotëm nënkupton se këto mjete janë shpenzuar kot. Këto janë mjetet e që ishin ndarë me vendim të veçantë të Qeverisë.Vendimi i datën 19 tetor ia bartë Ministrisë së Punëve të Brendshme 1.2 milion euro.Kryeministri Haradinaj ishte pyetur nga Kallxo.com se në çfarë forme të lobimit është paraparë të shpenzohen këto mjete.Mirëpo Haradinaj nuk kishte dhënë detaje të hollësishme, duke shtuar se “vjen dita kur raportojm딓Kur të raportojmë pse janë përdorë tani ju shpjegojmë, tani nuk kam informatë më shumë. Vjen dita raportohet. Është një praktikë që në disa raste edhe në bazë të ligjit kemi të drejtë në një konfidencialitet të caktuar dhe raportimet bëhen në mënyra të caktuara. Kjo është një praktikë e zakonshme e ndarjes së këtyre fondeve por raportimi bëhet pas dedikimit e jo tash”, kishte thënë Haradinaj kur ishte marrë ky vendim.

Ish ministri i Punëve të Brendshme, Skender Hyseni, kishte thënë se në të kaluarën kur Kosova kishte provuar të antarsohej në INTERPOL, nuk ishin ndarë mjete për lobim.“Nuk ka pasur buxhet për INTERPOL për lobim ose për çfarëdo qoftë që lidhet rreth INTERPOL-it. Buxheti është i MPB dhe brenda saj ekziston zyra për bashkëpunim ndërkombëtar dhe për sundim të ligjit që është një surrogat i zyrës nacionale të INTERPOL”, kishte thënë ish ministri Hyseni për “Gazetën Jeta në Kosovë”.
Loading...

MekuliPress fton Dua Lipën të udhëheqë Kosovën, Kosova po e then qafën…

Redaksia e MekuliPress fton mbretëreshën shqiptare të artit e të kulturës të shpëtojë shqiptarët e Kosovës dhe shtetin e Kosovës: Eja e na udhëheq! Kjo Qeveri e kjo Presidencë ka shkelur mbi fytin e shqiptarëve; u ka zënë frymën! Kosova po vdes!   
Loading...

Gjermania heq vizat për gjithë punëkërkuesit, Shqipëria përfiton direkt

Vitet e fundit është rritur ndjeshëm numri i shqiptarëve të cilët detyrohen të shkojnë dhe të kërkojnë punë në Gjermani, qoftë përmes azilit apo edhe përmes vizave të punës.Por ky shtet së fundmi ka marrë një vendim të madh duke hequr më në fund vizat e punës për të gjithë ata që duan të shkojnë atje.Kështu të gjithë të rinjtë që duan të punojnë në shtetin gjerman mjafton që të kenë një kontratë pune dhe do të mund të qëndrojnë atje.Vendimi është marrë së fundmi dhe mediat gjermane njoftuan mëngjesin e sotëm se partitë e koalicionit kanë rënë dakord për një projektligj të ri për të lehtësuar mundësitë e emigrimit për punëtorët e vendeve jo anëtare të BE.Ky vendim i cili aplikohet që nga 1 janari i 2019 përfshin edhe të rinjtë shqiptarë por përjashton ata nga Kosova për shkak se ajo ende nuk e ka përfituar liberalizimin e vizave me BE.Ministria e brendshme, e Punës dhe ajo Ekonomike ranë dakord për rregullat e reja, pas një kompromisi të tetorit, duke i dhënë fund mosmarrëveshjeve Brenda koalicionit qeverisës.Por paraprakisht punëdhënësit gjermane do të duhet të garantojnë se nuk kanë mundur të gjejnë një punëtor tjetër nga BE, para se vendin e punës t’ia ofrojnë ngë emigranti nga vendet jo anëtare.Ligji do të lehtësojë dhe kufizimet që i kanë dhënë përparësi të ashtuquajturve “profesione të ngushta” që kanë më shumë vende të lira si pershembull infermierët apo kujdesi për të moshuarit.
Loading...

Problemet e kujtesës: Skleroza, 5 përzierje bimore që ndalin sëmundjen

Skleroza është një ndër sëmundjet më të rënda të sistemit nervor. Prek zakonisht persona të moshës 30-50 vjeç, gratë janë dyfish më të rrezikuara.

Shkenca nuk ka mundur deri tani të gjejë as shkaqet që çojnë në shfaqjen e saj dhe as ndonjë kurë.E vetmja terapi është ajo që përpiqet të reduktojë dëmet që shkaktohen nga përkeqësimi i papritur i të sëmurëve. Karakteristika kryesore e sëmundjes është se ecuria e saj varion nga një pacient te tjetri.Ka të prekur të cilët mund të shkojnë me vite pa pasur përkeqësim të sëmundjes, siç ka të tjerë që humbasin aftësinë për të lëvizur dhe një pjesë të madhe të shqisave brenda pak kohësh.Fillimisht duhen marrë keshilla mbi regjimin ditor në përgjithësi dhe atë ushqimor në veçanti. Dieta, që në fillimin e shenjave të sëmundjes do të jetë; ushqime të freskëta si perime, qumësht, vaj vegjetal, bukë gruri ose thekre, peshk, kos etj.Nuk duhet të përdoret alkooli, duhani, kafeja, sheqeri, kripë, çaj kinez, piper e barëra te tjerë pikantë.Këmbët e duart në mëngjes e në darkë lahen me ujë të ftohtë dhe çdo ditë bëhet gjimnastikë në ajër të pastër.Siç dihet, nuk ka mjekim profesional për sklerozën, por më poshtë mund t’ju mësojmë disa përzierje bimore që e frenojnë sëmundjen dhe mund ta mbajnë për një kohë shumë të gjatë nën kontroll 

5 KURA BIMORE

1.Çdo mëngjes esëll merret një lugë kafeje qumësht blete. Në mëngjes dhe në darkë pihet një gotë çaj i përgatitur si vijon: 5-8 gjethe shtogu të freskëta ose të thata, të grumbulluara kur bima është në lulëzim, hidhet në dy gota ujë dhe zihet 2-3 minuta, pastaj lihet të ftohet, kullohet dhe pihet. Çaji i shtogut përgatitet e pihet çdo ditë, për 3 javë rresht. Pastaj pihet çaj kamomili i përgatitur si zakonisht nga 2 gota në ditë, për tre javë rresht.2.Tre lugë gjelle të bimores së përbërë nga pjesë të barabarta të bimëve të bar mijëfletëshit, bishtkali, hidhen në një litër ujë dhe zihen për 2-3 minuta. Ena lihet e mbuluar në qetësi për 3 minuta, pastaj kullohet. Pihet para buke, një gotë, tre herë në ditë. Kura kryhet me intervale; 8 ditë mjekimi; 8 ditë pushim, 8 ditë mjekim etj, për 1-3 muaji rresht.3.Tre lugë gjelle të bimores së përbërë nga 4 lugë gjelle bar mijëfletësh, mana toke mali, frut e lule murrizi dhe 2 lugë gjelle fara majdanozi, hidhen në një litër ujë të porsavaluar. Ena lihet e mbuluar për 20-30 minuta e pastaj kullohet. Pihet një filxhan, tri herë në ditë.4.Gjashtë lugë gjelle të bimores së përbërë nga 50 gram lule murrizi, thelpinj të qëruar e të coptuar të hudhrës, bishtkali dhe gjethe e degë të reja veshtulle, hidhen në një litër ujë të porsavaluar. Ena lihet e mbuluar 2 orë, pastaj kullohet. Pihet para ngrënies, 2 filxhanë, 3 herë në ditë. Kura vazhdon deri në përmirësimin e gjendjes.5.Një kilogram mjaltë përzihet në një kilogram thëngjill bliri në pranverë, derisa të formohet masë e njëtrajtshme. Nga kjo masë merret një lugë gjelle rrafsh dhe përzihet me një filxhan çaj, i përgatitur me lule bliri, lule kamomili ose çaj mali. Kjo përzierje pihet tri herë në ditë. Kura vazhdon derisa të mbarohet masa mjaltë – thëngjill. Mund të përsëritet pas një pushimi 4-6 muajsh.
Loading...

Hekuran Krasniqi sjell këngën e re për festat e shqiptarëve “Nëntori i gurit”

Para dy muajve solli këngën “Shqiptare”, në bashkëpunim me grupin Fisnikët.Bëhet fjalë për Hekuran Krasniqin, i cili duket se ka vendosur mos ta përmbyll këtë vit pa sjell një projekt të ri muzikor.Ai së fundi ka publikuar një këngë të re, ku kësaj radhe ka zgjedhur të bashkëpunojë me Grelën.“Nëntori i gurit”, titullohet kënga më e re e prizrenasit, të cilën e ka shoqëruar edhe me një video ku shihet vetëm flamuri kuqezi.Kënga ka motive patriotike si dhe ka ardhur në muajin që festohen disa data të shënuara për kombin shqiptar.Theksojmë se autorët të tekstit janë Bedri Zyberaj dhe Hekuran Krasniqi gjersa vetë artisti ka bërë muzikën dhe orkestrimin.Ndryshe, Krasniqi ka paralajmëruar edhe disa këngë të tjera gjatë muajve në vijim.
Loading...

Vetëvendosje kërkon dorëheqjen e Thaçit, Pacollit dhe Haradinajt

Lëvizja Vetëvendosje ka thënë se presidenti i Kosovës, Hashim Thaçi, kryeministri Ramush Haradinaj dhe ministri i Jashtëm, Behgjet Pacolli, po i kushtojnë shumë Kosovës, duke i lidhur këtë tre liderë me dështimin në anëtarësimin në Interpol.Në një njoftim për media, Vetëvendosje ka thënë që “Kuvendi i Republikës dhe Qeveria e Kosovës duhet që menjëherë t’ia marrin mandatin e Thaçit në aventurën e tij personale me Serbinë pa autorizim, pa legjitimitet dhe pa kompentencë, po ashtu Republika e Kosovës duhet menjëherë të vendosë reciprocitet të plotë politik, ekonomik dhe tregtar me Serbinë”.Duke kërkuar dorëheqjen e Thaçit, Pacollit dhe Haradinajt, VV-ja ka thënë se ky do të ishte lajmi që do të gëzonte shumicën e qytetarëve të Kosovës.“E vetmja mënyrë si mund ta ndihmojnë ata Kosovën është duke dhënë dorëheqje. Shumica dërrmuese e qytetarëve të vendit tonë, për të mos thënë të gjithë, do të gëzoheshin sonte, sikur në lajmet e mbrëmjes të dëgjonin se Thaçi, Pacolli dhe Haradinaj kanë dhënë dorëheqje”, thuhet në njoftimin e VV-së.VV ka thënë se pas dështimit për anëtarësim në Interpol të martën, mijëra serbë kriminelë të luftës po festojnë. Teksa ka kujtuar miratimin në parim të projektligjit për gjykimin në mungesë, VV-ja ka thënë se drejtësia sot u sulmua nga dështimi në Dubai. “Pra, pasojat nuk janë vetëm në fushën e sigurisë por edhe të drejtësisë, jo vetëm për drejtësinë në paqe por edhe për drejtësinë për krimet e luftës”.Në një konferencë për media, deputeti Xhelal Sveçla foli për luftën e madhe të Serbisë për të penguar anëtarësimin e Kosovës në Interpol, dhe “për aventurën e Presidentit Thaçi për të vrapuar drejt pazareve me Serbinë”.“Hipokrizia qëndron në faktin e takimeve Thaçi-Vuçiq. Hashim Thaçi pavarësisht situatës në terren vazhdon të vrapojë pas pazareve me Serbinë e cila si asnjëherë më parë pas shpalljes së pavarësisë po e lufton shtetësinë dhe subjektivitetin e vendit”, tha Xhelal Sveçla.Ai po ashtu, theksoi se hapi i parë që dëshmon se palët janë të interesuara për një marrëveshje finale është pushimi i “luftës” në terren. “Si është e mundur që shteti i Kosovës të përballet me këso vështirësish në terren a presidenti Thaçi të shkojë e të takohet pa asnjë kusht për Serbinë. Ky president po anashkalon çdo interes të vendit vetëm që personalisht të shpëtojë. Ai e ka zgjedhur rrugën e tij, por nuk duhet dhe nuk guxon ta marrë edhe Kosovën me vete. Ky njeri është zhvendosur kah pala serbe”, thotë Vetëvendosja.Deputetja tjetër e kësaj partie Albulena Haxhiu ka thënë se presidenti, kryeministri dhe ministri i Jashtëm janë treguar të dobët karshi Serbisë ndaj shteteve që tashmë e kanë njohur Republikën e Kosovës.“Pazaret territoriale të Thaçit me Vuçiqin që kulmuan te takimi me Putinin, kanë shkaktuar konfuzion te shumë shtete që na e kanë njohur pavarësinë. Në këtë vit ka ndodhur një vetëkontestim i shtetësisë dhe pavarësisë sonë nëpërmjet aventurave absurde të presidentit të Kosovës. Gjithnjë e më pak të tjerët po na marrin seriozisht. Sepse, presidenti i vendit nuk po e merr shtetin tonë seriozisht”, ka thënë Haxhiu.Haxhiu shtoi se “Thaçi e Pacolli, por edhe Haradinaj, duke u treguar të butë e të dobët karshi Serbisë, karshi Vuçiqit, Daçiqit e Radojçiqit, e kanë dobësuar pozitën tonë si shtet kudo, e kanë stërkequr perceptimin mbi neve. Dobësia e butësia karshi Serbisë nuk interpretohen nga askush si bujari a gjenerozitet yni, por si frikë e si padituri e jona”.
Loading...

Gruevski njofton në Facebook se e ka fituar azilin në Hunga

“Sot Republika e Hungarisë, vend anëtare e BE-së dhe NATO-së, u përgjigj pozitivisht në kërkesën time për marrjen e azilit politikë, për shkak të ndjekjes politike në Republikën e Maqedonisë. Në kërkesën time për azil kam theksuar se azilin e kërkoj për shkak të ndjekjes politike nga ana e qeverisë së re të udhëhequr nga LSDM-ja”, shkruan Gruevski në proifilin e tij zyrtar në Facebook.“Kam nënvizuar se Qeveria dëshiron të më privoj nga liria duke shfrytëzuar hapa dhe metoda  jodemokratike dhe duke keqpërdorur sistemin gjyqësor në Maqedoni”, tha Gruevski, duke shtuar se nuk ka ikur nga drejtësia por se ka shfrytëzuar metodat ndërkombëtare të së drejtës.“Unë nuk kam ikur nga drejtësia, por duke shfrytëzuar metodat ndërkombëtare të së drejtës  vazhdoj ta kërkoj drejtësinë për mua dhe për gjithë viktimat e tjera të ndjekjes politike në Republikën e Maqedonisë”, shkruan Gruevski.
Loading...

BE nuk shqetësohet për dështimin e Kosovës në Interpol: Na intereson veç dialogu

Bashkimi Evropian nuk ka qëndrim rreth dështimit që Kosova të anëtarësohet në Interpol. Në një përgjigje të zëdhënëses së Përfaqësueses së lartë të BE-së rreth kësaj çështjeje, vetëm thuhet se “Çështja i takon shteteve anëtare të organizatës përkatëse ndërkombëtare”.
Me asnjë fjalë tjetër nuk i referohen as dështimit të anëtarësimit të Kosovës në Interpol e as sa mund të ketë kjo ndikim në luftën kundër terrorizmit, krimit të organizuar dhe dukurive tjera.Por në ketë reagim të BE-së shihet qartë se shqetësimi i vetëm është ndikimi që mund të ketë në dialog.“Interpoli është një partner i rëndësishëm i Bashkimit Evropian. Ne kemi një bashkëpunim pozitiv, përfshirë edhe në fushën e bashkëpunimit policor brenda BE-së, asistencës teknike për shtetet e treta, operacionet në fushën e politikës së përbashkët të mbrojtjes dhe sigurisë, posaçërisht me qëllim të rritjes së bashkëpunimit policor dhe sundimit të ligjit”, ka thënë për “Kohën Ditore” Maja Kocijançiq, zëdhënëse në Komisionin Evropian në përgjigje me shkrim.Ajo më tej ka rikujtuar se si Federika Mogherini, pas takimit të nivelit të lartë të dialogut më 8 nëntor, pat thënë se “Kosova dhe Serbia duhet të sigurojnë një ambient të duhur për dialogun dhe të përmbahen nga fjalët, veprat dhe masat që shkojnë kundër frymës së normalizimit”.“BE-ja pet nga Serbia dhe Kosova që shpejt të dëshmojnë përkushtimin e tyre për dialog duke pasur parasysh lidhjet direkte mes normalizimit gjithëpërfshirës të raporteve mes tyre dhe perspektivën konkrete për EU aspiratat e tyre”.
Loading...