0 C
Oslo,
Saturday, November 18, 2017
Kreu Përralla BBC realizon reportazh për sekretin më të madh të ish-Jugosllavisë – bunkerin...

BBC realizon reportazh për sekretin më të madh të ish-Jugosllavisë – bunkerin bërthamor të diktatorit Tito

Shpërndaje

Një shtëpi e ndërtuar në stilin tipik boshnjak në Konjic, në fakt është hyrja për njërin nga sekretet më të mëdha të Luftës së Ftohtë – bunkeri bërthamor i Titos, kështu fillon reportazhi i BBC-së rreth investimit më të madh në ish-Jugosllavi.

Bunkeri bërthamor i diktatorit Tito ishte i fshehur në malet e Zlatarit në Konjicë të Bosnjës, dhe për vite të tëra është mbajtur sekret dhe pakkush ka pasur informata lidhur me ekzistencën e tij, kurse sot është i hapur për qytetarët dhe është shndërruar në njërën nga galeritë e artit më të çuditshme në botë.

Për ndërtimin e këtij bunkeri janë investuar plot 4.6 miliardë dollarë, kurse është ndërtuar gjatë periudhës 1952-1979, dhe kishte vetëm një qëllim – të strehoj presidentin e atëhershëm, bashkëshorten dhe rreth 350 bashkëpunëtorët e tij më të afërt, në rast të ndonjë katastrofe bërthamore.

Ky bunker është mbajtur sekret deri në vitin 1992, kur edhe u zbulua nga ushtria boshnjake, e cila gjithashtu e mbajti sekret edhe për disa vite.

Pasi u hap për qytetarët, është shndërruar në atraksion turistik jo vetëm për të huajt, por edhe për ata që janë të pasionuar për historinë moderne të Luftës së Ftohtë, thuhet ndër tjera në reportazhin e BBC.