Është deklaruar edhe kryeministri i Kosovës Ramush Haradinaj, pak minuta pasi që Qeveria ka marrë vendim për rritjen e taksës ndaj produkteve serbe nga 10 në 100 për qind.

Haradinaj, nëpërmjet Facebook-ut, ka sqaruar se vendimi hyn në fuqi menjëherë.

Loading...

Deklarata e plotë

Nga sot masë 100% ndaj Serbisë!

Qeveria e Kosovës në mbledhjen e sotme, ka marrë vendim që të vendoset masa prej 100% ndaj produkteve të importuara me origjinë nga Serbia dhe Bosnja e Hercegovina, përjashtuar brendet ndërkombëtare të listuara në aneks. Poashtu, Qeveria e vendit obligon Ministrinë e Tregtisë dhe të Industrisë dhe të gjitha institucionet relevante, që të largojnë dhe të ndalojnë importin dhe hyrjen potenciale në treg të të gjitha produkteve, të cilat nuk i referohen dhe janë në kundërshtim me emërtimin zyrtar dhe kushtetues të Republikës së Kosovës. Vendimi hyn në fuqi menjëherë – institucionet relevante obligohen ta zbatojnë poashtu menjëherë.

Loading...